Андижон шаҳридаги Президент мактабининг бир гуруҳ ўқувчилари Туркиянинг Истанбул шаҳрида жойлашган «Fatih Sultan Mehmet» ўрта мактабида «Имконсизлик тўсиқларини енгиш» мавзусидаги халқаро конференцияда иштирок этди.
Унда БМТ (Бирлашган Миллатлар Ташкилоти) иш фаолияти модель тарзида намоён этилган.
Мазкур конференцияда 45 та давлат вакиллари, 30 дан ортиқ халқаро мактабларнинг 200 дан зиёд делегатлари иштирок этган. Шунингдек, унда ўзбекистонлик ўқувчилардан бири Бехрузбек Холдаров «Энг яхши делегат» номинацияда ғолиб бўлиб, ташкилотчилари томонидан эътироф этилган.
