Nemolchi.uz сайтининг ёзишича, Тошкентдаги хусусий таълим марказиа расм ўқитувчиси 9 ёшли қизга шилқимлик қилган.
Бу ҳақда жабрланувчининг онаси унинг 9 ёшли қизи хусусий ўқув марказида рассомчилик ўқитувчиси томонидан номақбул хатти-ҳаракатларга учраганини маълум қилган. Унинг айтишича, қиз онасига «Ойижон, яшагим келмаяпти» деб, расм ўқитувчиси унга нималар қилганини гапириб берган.
Қизнинг онасига кўра, 2025 йилнинг февраль ойида 2000 йилда туғилган Д.M бир неча машғулот давомида қизининг кўкрагига тегиб, қўлларини футболкаси остига тиқиб, ўпиб, бўғиб, сўнг қўйиб юбориб, унинг реакциясини кузатган.
Йигит қизни яна ўпмоқчи бўлганида юзига урганча олти машғулот чидаган. Шундан кейин у онасига ҳаммасини айтиб берган.
Онанинг сўзларига кўра, ариза ёзгач, у бошқа болаларга ҳам шилқимлик қилгани маълум бўлган. Бироқ уларнинг ота-оналари ички ишлар органларига мурожаат қилишдан бош тортган. Муассасада эса камералар йўқ.
Қизнинг онаси 16 февраль куни 102 рақамига қўнғироқ қилиб, ариза ёзган. Иш Яккасарой тумани ИИБга ўтказилган, суд-тиббиёт экспертизаси тайинланган, айбланувчи сўроқ қилинган, бироқ ҳаммасини инкор қилган.
Марказ директори онанинг сўзларини тасдиқлаган ва у ўқитувчига ахлоқ ҳақида суҳбат ўтказганини билдирган, лекин ўқитувчи уларни инкор этган.
Тергов томонидан психологик-педагогик экспертиза тайинланмаган, қўшимча текширувлар ўтказилмаган ва ҳалигача жиноят иши қўзғатилмаган. Қизнинг онаси 1 март куни терговчи унга суд жараёнига тайёргарлик кўришни айтган, катта эҳтимол билан, материаллар Маъмурий жавобгарлик тўғрисидаги кодекснинг 41-1-моддаси (шаҳвоний шилқимлик) бўйича судга юборилиши мумкин.
Олий суднинг 2023 йил ноябрдаги 30-сонли Пленумида 16 ёшга тўлмаган шахсларга нисбатан бундай хатти-ҳаракатлар Ўзбекистон Республикаси Жиноят кодексининг 129-моддаси (Уятсиз-бузуқ ҳараклатлар қилиш) билан квалификация қилиниши керак, бу нафақат адолатли жазо тайинлаш, балки айбдорнинг болалар билан ишлашини чеклаш имконини беради, бу эса ўқитувчи ишида жуда муҳимдир.
Онанинг маълум қилишича, ҳозир қизалоқ қўрқувда яшамоқда, қаттиқ стрессда. У ёмон ухлайди, эркаклардан, ҳатто яқин қариндошларидан ҳам қўрқиб қолган ва севимли машғулоти бўлган расм чизишдан воз кечган.
