Бугун, 22 январь куни Буюк Британиянинг нуфузли «Times Higher Education-THE» рейтинг ташкилоти «World University Rankings 2025 by Subject» — фанлар бўйича дунёнинг энг нуфузли олийгоҳлар рўйхатини эълон қилди.
Мазкур рўйхатга мувофиқ, республикамизнинг 3 та олий таълим ташкилотлари илк маротаба THE ташкилоти томонидан эълон қилинган фан рейтингидан жой олди. Булар:
«TIQXMMI» Миллий тадқиқот университети — Табиий фанлар, математика ва статистика йўналишида 301–400, Муҳандислик йўналишида 501–600;
Ўзбекистон Миллий университети — Табиий фанлар, математика ва статистика йўналишида 601–800;
Тошкент ахборот технологиялари университети — Таълим йўналишида ушбу университет 601+, Компьютер илмлари ва дастурлаш технологиялари йўналишида 1001+ ўринни эгаллади.
Бу ютуқлар сўнгги йилларда олий таълим тизими, жумладан муҳандислик, аниқ ва табиий фанларга берилаётган эътибор самараси ўлароқ нафақат юртимиз, балки халқаро даражада ҳам тан олинаётганидан далолатдир.
