Туркманистонда Сейитназар Сейди номидаги Туркман Давлат Педагогика институти томонидан IV Халқаро интернет-олимпиадаси ўтказилди. Унда ўзбекистонлик талаба йигит энг юқори натижани қўлга киритган.
Маълум қилинишича, олимпиадада дунёнинг турли давлатларидан талабалар иштирок этиб, ундан 117 нафар иштирокчи совринли ўринларни қўлга киритган.
Энг юқори натижани Тошкент давлат педагогика университети (Низомий номидаги) талабаси Жасур Жамолов қайд этган. Таъкидланишича, у 36 балл тўплаш орқали биринчи ўринни эгаллаган.
Шунингдек, беллашувда Туркманистон, Россия, Қозоғистон, Тожикистон ва бошқа мамлакатлардан талабалар ҳам иштирок этган.
Олимпиадада 15 нафар иштирокчи I ўрин, 35 нафари II ўрин, 67 нафари эса III ўринни эгаллаган.
