Меҳнат кодексининг 397-моддасига кўра, 3 ёшга тўлмаган боланинг буджетдан молиялаштириладиган ташкилотларда ишлайдиган ота-онасидан бирига (васийсига) меҳнат ҳақини камайтирмасдан ҳафтасига 35 соатдан ошмайдиган иш вақти давомийлиги белгиланади.
Демак, биринчидан, сизлардаги иш вақти хафтасига 36 соат ва 6 кунлик иш хафтаси бўйича кунлик 6 соат бўлса, ёш болангиз борлиги сабабли, 35 соатлик имтиёз сиз учун кунлик 6 соатга тўғри келади. Бироқ бунда ҳафтада бир кун сизда 5 соатлик мезон қўлланилиши керак.
Иккинчидан, Меҳнат кодексининг 407-моддасига кўра, 2 ёшга тўлмаган боланинг ота-онасидан бирига (васийсига) дам олиш ва овқатланиш учун танаффусдан ташқари болани овқатлантириш учун қўшимча танаффуслар берилади. Бу танаффуслар камида ҳар 3 соатда, ҳар бири 30 минутдан кам бўлмаган давомийликда берилади. Икки ёшга тўлмаган 2 ёки ундан ортиқ нафар фарзанди бўлган тақдирда, танаффуснинг давомийлиги камида 1 соат қилиб белгиланади. Болани овқатлантириш учун танаффуслар иш вақтига киритилади ва ўртача иш ҳақи бўйича ҳақ тўланади.
2 ёшга тўлмаган бола отасининг ёки онасининг (васийсининг) хоҳишига кўра болани овқатлантириш учун танаффуслар дам олиш ва овқатланиш учун танаффусга қўшиб берилиши ёхуд иш кунининг (сменанинг) тегишинча қисқартирилган ҳолда бошига ёки охирига кўчирилиши, шу жумладан жамланган ҳолда кўчирилиши мумкин.
Шунга кўра, ушбу ҳолатда педагоглар Меҳнат кодексининг 407-моддаси билан ҳар куни 1 соат эртароқ кетиши мумкин.
Шунда кунлик иш вақти соат 8.00да бошланса, умумий ҳолатда 15:00 да тугайди, бироқ 3 ёшга тўлмаган боласи бор ота-оналард 14:00 да кетиши мумкин.
Аввалроқ, 3 ёшга тўлмаган фарзанди бор педагоглар аттестацияга жалб қилинмаслиги ҳақида хабар берган эдик.
