Ижтимоий тармоқларда ҳозир Олмазор тумани 326-мaктaбда ёнғин юз бергани ҳақидаги видеолар тарқалди.
Ҳолат юзасидан ФВБ муносабат билдирди.
Унга кўра, 20-октябрь куни соат 17:42 да Тошкент шахар Олмазор тумани Қора Қамиш кўчаси 3-уй олдида очиқ майдонда қуруқ ўт ва шох шобба ёнётганлиги тўғрисида, Тошкент шахар ФВБ хабар келиб тушган.
Ёнғин-қутқарув экипажлари айтилган манзилга соат 17:48 да етиб бориб, ёнғин соат 17:51 да ўчирилган.
Ҳодиса оқибатида жабрланганлар йўқ.
Аввалроқ Мирзо Улуғбек туманидаги 208-мактаб ҳудудида ҳам ёнғин бўлганлиги ҳақида хабар берган эдик.
