АҚШ Давлат департаменти жорий йилда хорижий талабаларга нисбатан Доналд Трамп маъмуриятининг сиёсатини қатъийлаштириш доирасида 6 000 дан ортиқ талабалик визаларини бекор қилди. Бу ҳақда BBC хабар берди.
Давлат департаменти вакилининг сўзларига кўра, визалар иммиграция қоидаларини бузганлик сабабли, жумладан, мамлакатда қолиш муддатини ошириб юбориш ва жиноят содир этилгани учун бекор қилинган.
— Бу ҳолатларнинг мутлақ кўпчилиги ҳужумлар, маст ҳолда автомобиль бошқариш, ўғирлик ва терроризмни қўллаб-қувватлаш билан боғлиқ, — дея таъкидланади.
Маълум қилинишича, тахминан 4 мингта виза қонунбузарлик учун қайтариб олинган, яна 200–300 таси эса Иммиграция ва фуқаролик тўғрисидаги қонун асосида террорчилик фаолиятида гумон қилинганлик учун бекор қилинган.
Аввалроқ, Президент Доналд Трамп етакчи Гарвард университети билан баҳсда федерал молиялаштиришни музлатиб қўйиб, уни солиқ имтиёзларидан маҳрум қилишини айтганди.
АҚШ Давлат котиби Марко Рубионинг таъкидлашича, «юзлаб, эҳтимол минглаб талабалик визалари» бекор қилинган, чунки уларнинг эгалари АҚШ ташқи сиёсатига зид деб ҳисобланган фаолиятларда қатнашган. Маъмурият вакиллари, шунингдек, визалар ва Греэн-Cард эгалари Исроилни танқид қилса, депортация қилиниши мумкинлигини қайд этган.
