ЖАВОБ: Йўқ, танлаб бўлмайди.
Кўпчилик бешта йўналишга ҳам балим етган бўлса, исталган бирини танлаб ўқийман, деб ўйлаяпти. Бу хато фикр.
Абитуриентлар тестдан кейин йўналиш танлаётганда бешта йўналишни кетма-кет танлашган. Шунингдек, давлат гранти ва тўлов-контракти бўйича ҳам устуворликни аллақачон белгилаб бўлишган.
Энди бугун якуний жавоблар чиққандан кейин абитуриентлар ўқишга кирган йўналишларини ўзгартира олишмайди. Устуворлик бўйича қайси йўналишга кирганини компьютернинг ўзи белгилаб беради. Устуворликни давлат гранти деб танлаганми, йўналиш бўйича танлаганми, фарқи йўқ.
mandat.uzbmb.uz сайтида қайси йўналишнинг усти яшил (грант) ёки кўк, ёки сариқ (контракт) рангга бўялиб турган бўлса, ўша йўналишга кирган бўлади.
Буни ўзгартириб бўлмайди. Йўналишлар кетма-кетлигида тепага чиқиш ҳам, пастга тушиш ҳам мумкин эмас.
