Шу йилнинг 14 апрелидан 18 апрелигача ҳар куни бутун республика ҳудудида мусобақанинг туман (шаҳар) босқичи бўлиб ўтади.
Туман (шаҳар) босқичида қатнашадиган жамоалар ўйинга ўзлари билан махсус шаклдаги аризани тўлдирган ҳолда олиб боришлари талаб этилади.
Туман (шаҳар) босқичида дастлабки учта ўринни эгаллаган жамоалар ҳудудий босқичда иштирок этиш ҳуқуқини қўлга киритади. Ҳудудий босқичда дастлабки учта ўринни эгаллаган жамоалар республика босқичида иштирок этади.
Мусобақанинг туман (шаҳар) ва ҳудудий босқичлари жами 30 та саволдан иборат бўлган уч турда ўтказилади. Муайян тумандаги барча мактаб жамоалари билан бир вақтда ва бир жойда ўйин ўтказиш имконияти бўлмаганда ушбу тумандаги жамоалар бир неча қисмга бўлган ҳолда саралашдан ўтказилади.
Мусобақанинг республика босқичи жами 48 та саволдан иборат бўлган тўрт турда ўтказилади. Мусобақанинг туман (шаҳар) босқичи ўтказиладиган сана ва вақтлари қуйидаги файлда келтирилган:
Мусобақанинг республика босқичида дастлабки учта ўринни эгаллаган жамоалар қуйидаги миқдордаги пул мукофотлари билан тақдирланади:
1-ўрин: 100 млн сўм;
2-ўрин: 60 млн сўм;
3-ўрин: 40 млн сўм.
Танловда қатнашиш истагида бўлган мактаблар жамоаси қуйидаги тартибда ариза юборишлари керак бўлади:
Танлов низоми билан қуйи келтирилган файл орқали батафсил танишиб чиқиш мумкин:
