GRE va TOEFL iBT xalqaro imtihonlari uchun ro‘yxatga olish boshlandi

TOEFL iBT xalqaro imtihoni

Bilim va malakalarni baholash agentligi huzuridagi Ilmiy-o‘quv amaliy markazi hamda Educational Testing Service (ETS) hamkorligida tashkil etilgan TOEFL iBT xalqaro imtihoni uchun onlayn ro‘yxatdan o‘tish jarayoni boshlandi!

Imtihonda ishtirok etishni istagan talabgorlar quyidagi havola orqali ro‘yxatdan o‘tishlari zarur: www.ets.org

Imtihon topshirish istagini bildirgan talabgorlar www.ets.org sayti orqali test topshirish manzili sifatida Bilim va malakalarni baholash agentligi huzuridagi Ilmiy o‘quv amaliy markaz (Scientific and educational practical center under The Agency – 12, Bogishamol street, 1st floor, Tashkent, 100084, Uzbekistan) ni tanlashlari hamda ro‘yxatdan o‘tishlari lozim.

Imtihon sanasi:

🔸 2025-yil 20-avgust

🔸 2025-yil 6-sentabr

🔸 2025-yil 13-sentabr

🔸 2025-yil 20-sentabr

🔸 2025-yil 27-sentabr

🔹 Manzil: Toshkent shahri, Bog‘ishamol ko‘chasi, 12-uy

Mo‘ljal: “Bodomzor” metro bekati

Joylashuv: Bilim va malakalarni baholash agentligi binosi

TOEFL iBT – xalqaro miqyosda tan olingan va sertifikatlar ro‘yxatiga kiritilgan rasmiy imtihon hisoblanadi. Batafsil: lex.uz

Ro‘yxatdan o‘tish, imtihon to‘lovi to‘g‘risida ma’lumot olish, shaxsiy kabinet yaratish, shuningdek tayyorlov materiallari va yo‘riqnomalar bilan tanishish uchun:
www.ets.org saytiga tashrif buyuring.

Qo‘shimcha ma’lumot uchun:

(95) 515-68-68

GRE imtihoni uchun ro‘yxatga olish boshlandi!

Bilim va malakalarni baholash agentligi huzuridagi Ilmiy-o‘quv amaliy markaz hamda Educational Testing Service (ETS) tashkiloti hamkorligida tashkil etilayotgan Graduate Record Examinations (GRE) imtihoniga onlayn ro‘yxatdan o‘tish boshlandi!

GRE – xalqaro miqyosda tan olingan, magistratura va doktorantura bosqichlari uchun mo‘ljallangan test bo‘lib, dunyoning yetakchi oliy ta’lim muassasalari tomonidan qabul qilinadi.