Ma’lumki, 2024 – 2025-o‘quv yili qabulidan boshlab abituriyentlarni onlayn ro‘yxatga olish ikki bosqichda amalga oshirilmoqda.
Birinchi bosqichda abituriyentlar fanlar majmuasini, ta’lim tilini, test topshirish hududini (alohida iqtidor talab etiladigan yo‘nalishlarda abituriyentlar ta’lim yo‘nalishi va imtihon topshiradigan OTMni ham) tanlaydi. Ushbu bosqich yakunlangandan keyin, deyarli 10 kun davomida har kuni ikki smenada test sinovlari bo’lib o’tadi.
Test natijalari qachon e’lon qilinadi?
Belgilangan tartibga ko’ra, testga kirgan har bir abituriyent o’zining natijasini testga kirgan kundan bir kun o’tib bilib olishi mumkin. Ammo, o’qishga kirgan yoki kirmaganligi haqida bilishning imkoni yo’q.
Test sinovlari yakunlangandan so‘ng ro‘yxatga olishning ikkinchi bosqichi, ya’ni tanlov bosqichida abituriyentlarda fanlar majmuasi bir xil bo‘lgan beshtagacha ta’lim yo‘nalishini tanlash imkoniyati mavjud bo‘ladi. Ikkinchi bosqich 27-iyuldan 10-avgustgacha davom etadi.
Nizomga ko’ra,l ikkinchi bosqich yakunlangandan so’ng, bir haftadan keyin yakuniy mandat chiqishi kerak. Ma’lumot uchun, o’tgan yilgi qabulda 17-iyul kuni mandat chiqqan edi.
