Namangan shahridagi 14 – maktabning 7-sinf o’quvchisi Mahliyo Valiyeva ikki yildan buyon o’z brendiga ega.
13 yoshli Mahliyo Valiyeva «Mahliyo cooking» brendi ostida Yevropa va uygʻur taomlari, 500 turdagi pishiriq hamda 200 xildagi mazali salatlarni professional tarzda tayyorlaydi.
Ma’lum bo’lishicha, uning kunlik buyurtmalari 20 dan ziyod boʻlib, oylik daromadi 15 million soʻmni tashkil etmoqda. U hozirda pishirish sanʼati boʻyicha oʻziga xos taʼmlar yaratish ustida ish olib bormoqda. Shu bilan birga, oʻzining oilaviy korxonasini ishga tushirishi kutilmoqda.
